192656345_381670319890015_83631154464603

UM OKKUR

Björn, framkvæmdarstjóri Vopnabúrsins, setti á fót nýtt úrræði í byrjun árs 2021 fyrir fjölskyldur, börn og ungmenni sem glíma við fjölþættan vanda. Kveikjan af þeirri hugmynd varð til vegna þess veruleika sem fjölskyldur glíma við t.a.m. miklum biðtíma eftir úrræðum, vöntun á samþættri þjónustu, snemmtækri íhlutun og síðast en ekki síst vöntun á sérsniðnum úrræðum fyrir hvern og einn þar sem styrkleikar einstaklinga fá að njóta sín.


Orðmerkið sjálft Vopnabúrið endurspeglar þau úrræði, lausnir og verkfærakistu sem Vopnabúrið hefur úr að bjóða til að ná fram því besta í fari einstaklinga. Þá ennfremur merkir það að nýta þá styrkleika til fulls sem einstaklingar búa yfir. Slagorð Vopnabúrsins er Nýr dagur - Ný tækifæri sem merkir að hver og einn einstaklingur fær ávallt nýjan dag og tækifæri til að gera betur í dag en í gær. Þá fellur slagorð Vopnabúrsins vel við við svokallaða athafnasamninga/dagssamninga sem unnið er með í starfinu ef þörf er á umbunar- og hvatningarkerfi.